大美人林青霞又出動！青霞今日戴黑帽、黑超兼黑衫黑褲look，同女友人現身跑馬地一間花店，當時佢哋喺花店內揀花，熟客仔青霞不但獲老闆同店員殷勤招 呼，亦不時見到佢哋介紹一些靚花畀青霞，而青霞都會拉低黑超細心研究。 青霞似乎鍾情玫瑰多啲，佢揀咗黃色同粉紅色嘅玫瑰花，再加多兩、三 款其他品種。雖然青霞好快就發現記者，但無損佢嘅雅興，繼續喺店內辦公室位置同店員聊天，不過最後青霞冇揀玫瑰，只買了另一束紅花，之後就同女友人、保鏢 上車離開。
