黃心穎雞年旺到爆，工作方面除了拍劇之餘外快不絕，擁有好歌喉的她，本年初更為處境劇《愛．回家之開心速遞》獻唱主題歌《在心中》。至於愛情方面，心穎與馬國明的感情關係更鬧得熱烘烘，雖然兩人從未承認，但已被外界默認為一對。心穎BB可說是事業、愛情兩得意！文：駱震寧 圖：張家宜《鳴謝》 場地：《泉緣-流水 器物 專賣》 服裝：Mo&Co. 化裝：Herman Ng 髮型：Steve Shek at HAiR

狗年旺旺，心穎早前偷偷與花店老闆偷師後，即時專家上身為大家介紹開運竹，她表示中國人傳統開運竹大多都是擺放四枝，而較少人知道台灣習俗是擺放八枝的，演變下就會有人擺放十八枝及六十八枝不等。而該花店的開運竹更是由台灣空運到港，又靚又耐看，老闆拍心口說是只此一家。心穎更推介花店內「五穀豐登」的手造陶瓷擺設，精緻又好意頭。至於鮮花，她提到新年大家都忙於四出拜年，若擺放鮮花便要抽時間再買，所以自己較愛擺放蘭花，比較易打理且耐看，加上花店內的蘭花偏細盆，更適合香港窩居擺放。

四姊妹新年「嘈」爆

黃心穎一家四姊妹，早被喻為「索爆四姊妹」，但四姊妹聚頭必然得個「嘈」字。談到她們歷年新年的趣事，心穎笑說：「過新年一定特別嘈㗎喇！我成日覺得對家好鬼死慘，每次都要畀四封利是我哋四姊妹。好似人哋永遠都係蝕咁，哈哈！我哋四姊妹每年都會鬥誰的利是多，但每一年都會有出入，最後都係媽咪幫我哋儲起佢。」此外，心穎雞年事業及愛情兩得意，踏入狗年可希望好運勝舊年？她謙虛表示：「雞年旺挑花旺事業？我又唔太清楚喎！我知道今年犯太歲，呢個我好留意嘅，因為我會去還太歲、攝太歲。」

三字頭希望嘗試更多

至於狗年目標，心穎說：「我每一年都係咁，要健康，希望可以嘗試唔同新嘅嘢啦，有更多唔同嘅工作機會。今年生日我有好大感受，就係下一年我由二字變三字，所以好希望趁後生嘗試更多唔同嘅嘢！」

原文刊於《星島日報》