有網民在社交平台Facebook群組「大埔 TAI PO」發文，稱該區一間新開花店名為「天天鮮花」，1元1枝玫瑰花兼送花瓶，吸引不少街坊入內選購。 網民表示，天天鮮花與內地大型鮮花批發商「天天鮮花」屬同一集團，近期在港多區搶攻駐紮，包括元朗、土瓜灣、油麻地，灣仔、北角、荃灣、紅磡、以至遠在澳門都有分店，有人估計鮮花是直接供港，所以才能以遠低於市價出售。 顧客要注意，每間分店優惠並非相同，以九龍店為例，由即日起至4月18日，消費即送花瓶一個；鮮花100元任選4扎（百合除外）；加10元即可換購太陽花一扎。 網民：之後會加價 不少網民表示曾入內選購，原因是價格優惠，但據認為優惠過後，價格會有所調升，「荃灣嗰間新開張就好平，但係後尾會加返價， 同埋啲花冇新開張咁多，想頂死曬附近啲花店跟住加價」、「內地花店，稍後一定正常價」。 不過也有網民認為，價格雖然吸引，惟質素參差，「佢係平，但啲花幾日就謝晒爛晒，去街市買果啲貴少少，但保存到耐好多」、「啲人話佢啲花擺一日就殘晒，都係一分錢一分貨」。亦有人表示，香港花店除了面對內地低價花店的挑戰，不少港人更選擇透過淘寶購買鮮花直運回港，「其實都已經好多人淘花落嚟插，再加上香港賣嘅花本身至少有7-8成都係大陸貨，但就賣得貴，要頂死都係遲早嘅事」。