每逢母親節，兩子之母的陳佩珊，總特別忙碌。只因她是鮮花「工程師」，21年來的母親節，習慣在花店配搭各式花束，為他人作嫁衣裳。「最大回報係可以氹到其他媽咪」。本身既是媽媽又是嫲嫲，珊姐人生收到的第一束鮮花，正是25年前的母親節，一對寶貝兒子買的粉紫甩色康乃馨。「自從做咗花店，佢哋以為你唔恨，其實邊個女人唔鍾意收花吖」。事隔多年，小學雞早成家立室，甜味猶在。珊姐的寶貝兒子，今年識做了吧？

記者 呂麗嬋「係咪想買束康乃馨畀媽咪呀？」旺角花墟，連日特別熱鬧，街頭巷尾，都見七彩「阿媽花」。由一束束到一盆盆，舖天蓋地。「母親節得一日，但花店就忙足一星期，剪花腳、pack花，佈置，接order，忙到無停手，有時做得辛苦，都會忍唔住呻吓：人做阿媽我做阿媽，點解母親節要咁辛苦？」正忙著招呼客人的珊姐說。由工場到門市，花店陰盛陽衰，盛產阿媽，可惜的是，母親節卻也是花店最忙碌的日子，全民皆兵，OT更表密密麻麻。「做呢行，習慣咗大時大節無假放，唔好話母親節，農曆年嗰餐團年飯，都要提前好多日先有時間食」。入行21年，師承林煥光太太袁轉好。珊姐說當年因花入行，但入行後，卻再沒收過花。「啲仔見你日日對住咁多靚花，以為你唔恨，咪唔送囉」。未入行前，在小學做文職，人生第一次收花，數數手指，已是25年前，兩個兒子仍只是小六及小五生，慳下零用錢，在街市花檔買的粉紫康乃馨，沒華麗包裝，仲甩色！卻已足夠心甜半世。只是物移星換，人人以為她對花對到厭，這個40多歲已榮升嫲嫲的幹練媽媽，笑說只好「化悲憤為力量」，轉送鮮花給家中其他媽媽。「母親節，我會送花畀個新抱，算係代個孫仔送」。除了媳婦，還有已過世的媽媽。「上一代人好慳，你送鮮花畀佢，佢梗話你嘥錢，但見到個個都講，不知幾開心」。若收花是女性的專利，珊姐打趣謂，口是心非，應也是女人的天性。習慣忙碌的母親節，但數最難忘的，則是2003年爆發沙士一役，花店每日迫滿人。「年年母親節，花店都會收到好多海外訂單，好多時寫句母親節快樂就算，嗰一年，張張咭都好多字。有啲仔女摸清阿媽生活習慣，知阿媽鍾意出街飲茶，就叫佢多啲留喺屋企，好多關心，我係阿媽，睇到都好冧」。那一年，香港人特別珍惜彼關係。那些年，一束花代表一份心意，認真揀對方喜歡的花，認真寫上心底的祝福，表達關心，豈止例行公事咁簡單？